Como cada 23 de abril chegou a festa dos libros. Todos xunt@s celebrámolo da mellor forma posible, lendo un libro.
26.4.26
“LIBROS QUE VEÑEN E VAN”
Os nenos e nenas de 6º de infantil comezaron cunha nova actividade proposta desde Bibliotecas Escolares para promover o gusto e interés pola lectura: Libros que veñen e van.
17.4.26
"MOITO CONTO"
Iniciamos unha nova actividade dende a Biblio de Irvi, "MOITO CONTO", enfocada á promoción e o gusto pola lectura. O alumnado voluntario da nosa biblioteca unha vez á semana acude ás aulas de Educación Infantil, 1º e 2º de primaria para contar un conto durante a Hora de Ler.
15.4.26
"AS FAMILIAS CONTAN: ALEIXO E MARCOS"
Na actividade As Familias Contan, recibimos a MARCOS, pai de ALEIXO de 4ºA de Educación Infantil. Xuntos contáronlles aos nenos e nenas de 4º de Infantil tres dos seus contos favoritos: "Max e os superheroes", "O monstruo de Cores" e "A vaca que subiu a unha árbore".
13.4.26
"VISITA DE ALBA DE EVÁN E ANDREA GARCÍA M."
Hoxe tivemos a sorte de recibir na Biblio de IRVI a visita de dúas escritoras de libros infantís e xuvenís: ALBA DE EVÁN, para o alumnado de 3º de primaria co que comentou o seu libro "Varetai, protectora de espíritos" e ANDREA GARCÍA, para o alumnado de 6º de primaria co seu libro "Animais fantásticos de aldea" coa que, ademais, puideron desfrutar dunha masterclass de ilustración. Con moita amabilidade as dúas asinaron os exemplares dos nenos e nenas.
9.4.26
"RESOLUCIÓN CONCURSO DE MURAIS"
Xa está resolto o Concurso de Murais convocado dende a Biblio de IRVI dentro do P.D.I. Irviaxe á Creatividade, para decorar o HORTO do patio de infantil e o ROCÓDROMO do patio de columnas. E aquí está o resultado do chulos que quedaron.
Parabéns!!! a ALMA de 1ºA e AMELIA de 5ºA
Felicidades a todas e todos os participantes no concurso.
29.3.26
"II FEIRA EDUCATIVA EXPOURENSE"
O noso colexio estivo presente na II Feira Educativa en ExpOurense, amosando algunhas das actividades que se realizan no noso centro, así como o relacionado co P.D.I. Irviaxe á Creatividade que levamos a cabo neste curso.
"ESCRITURA CREATIVA"
O alumnado de 2º ciclo desfrutou esta semana dun Obradoiro de Escritura Creativa a cargo de Arancha Nogueira.
"RECOMENDACIÓNS LECTORAS 6ºB"
Novo capítulo de Recomendacións Lectoras do alumnado de 6ºB. Nesta ocasión dos meses de xaneiro e febreiro.
18.3.26
"CLUB DE LECTURA BIBLIORVI"
Os nenos e nenas de 6ºA realizaron un Podcast do libro que estiveron lendo no Club de Lectura "Unha misión para Clara".
"NOVIDADES MARZO NA BIBLIOIRVI"
Durante este mes enchemos a nosa Biblio de novidades esperando aos lectores e lectoras do noso colexio.
16.3.26
"SEMANA DA PRENSA"
Non hai mellor forma de festexar a Semana da Prensa, na segunda semana de marzo, que presentando o novo número do noso Xornal NOVAS VILLAR, realizado por algúns voluntari@s da nosa Biblioteca.
Tanto en educación infantil como en primaria, os nenos e nenas, a través de diferentes actividades, acercáronse ao mundo dos xornais e dos xornalistas.
11.3.26
"VISITA ERICA ESMORÍS"
Este martes recibimos na Biblio de IRVI a visita da escritora Érica Esmorís, para compartir co alumnado de 4º, 5º e 6º de primaria a súa experiencia como autora de libros infantís e comentar as súas obras "Esta é a miña historia e terás que crela" e "Erin o lobo". Foron recomendacións da nosa Biblio para o Nadal que os nenos e nenas estiveron lendo estas semanas, e acudiron cos seus exemplares para que puidera dedicarllos.
9.3.26
"A BIBLIO CONciencia 25-26"
No mes de febreiro a Biblio de IRVI convírtese na Biblio CONciencia, con fin de conmemorar o Día da Muller e a Nena na ciencia. Todos os nenos e nenas do colexio transformáronse en pequenas e pequenos científicos.
A BIBLIO CONciencia 25-267.3.26
"P.D.I.: IRVIARTE Á CREATIVIDADE"
O alumnado de 1º ciclo de primaria asistiu a un obradoiro de deseño de bolsas reutilizables, contribuíndo así á concienciación sobre o cuidado do medio ambiente e a necesidade da reciclaxe.
6.3.26
"IRVIPATIO EN INFANTIL"
Estamos de estrea no patio de infantil co novo recuncho de IRVIPATIO. Moito desfrutaron os máis pequen@s do cole coa lectura á hora do recreo.
5.3.26
"ENCONTRO PLAMBE"
A Biblio de IRVI, coa súa coordinadora MERCHI, participando e formándose nos ENCONTROS PLAMBE, en Santiago.
2.3.26
"CELEBRAMOS O DÍA DE ROSALÍA"
Para festexar o aniversario do nacemento de Rosalía de Castro o 23 de febreiro, o alumnado de 4º, 5º e 6º recitou algúns dos seus poemas aos seus compañeir@s durante a Hora de Ler.
25.2.26
"AS FAMILIAS CONTAN: MANUEL E BRATE"
Nesta ocasión, BRATE de 4ºA de infantil convidou ao seu pai MANUEL, a contar algúns dos seus contos favoritos aos seus compañeiros e compañeiras de infantil: "Quen levou a lúa?", "Chivos, Chivóns" e "Xaime e a landra".
23.2.26
20.2.26
"MOCHILAS VIAXEIRAS"
Como nos gusta comprobar que os nosos lectores máis pequeniños desfrutan moito cando levan a Mochila Viaxeira para a súa casa. Esta semana Roi, de 4ºB de Ed. Infantil sorprendeunos cun marabilloso traballo sobre o conto que máis lle gustou, Marmelada de amorodo.
12.2.26
"11F: DÍA DA MULLER E A NENA NA CIENCIA
O alumnado de 1º conmemorou este día coloreando un bonito debuxo. Ademais, no expositor temático do corredor da Biblio de IRVI, xa están colocados unha selección de libros relacionados con esta celebración. Proximamente realizaremos unha nova edición da Biblio CONciencia, coa práctica de varios experimentos de todo o alumnado na nosa Biblioteca.
10.2.26
“ENCONTRO CON RAMÓN D. VEIGA “
Hoxe, o alumnado de 5º de primaria tivo no Liceo un encontro co coñecido escritor de libros infantís Ramón D. Veiga.
7.2.26
"21 DÍAS CO GALEGO E +: OBRADOIRO DE REGUEIFAS"
A Biblio de IRVI, foi escenario dun Obradoiro de Regueifas para o alumnado de 5º de Primaria, dentro do Programa 21 Días co Galego e +
31.1.26
"CONCURSO DE MURAIS"
Como parte do P.D.I. deste curso Irviaxe á Creatividade, dende a Biblioteca, convocamos para o alumnado de primaria, un concurso de murais para decorar o Rocódromo do Patio de columnas e o Horto do Patio de Infantil. Animádevos a participar!!!
"AS FAMILIAS CONTAN: ALANA E PAULA"
Seguimos desfrutando coas contadas dos nosos alumn@s e as súas familias, como a de ALANA, de 6ºB de Infantil, coa súa mamá PAULA, con dous marabillosos libros: "A Viaxe das bolboretas" e "O Elefante que perdeu un ollo"
16.1.26
"AS FAMILIAS CONTAN: CARMEN E BRATE"
Esta vez recibimos a Carmen, mamá de Brate de 4ºA de infantil, que fixo desfrutar a todo o alumnado de infantil contándonos tres dos seus contos favoritos: Oso e máis eu, Corre, corre cabaciña e Unha gran sorpresa.
Subscribirse a:
Comentarios (Atom)