Xa é clásico o noso Concurso de Postais de Nadal, no que cos gañadores e gañadoras, queremos felicitar as Festas a toda a Comunidade Educativa do CEIP P. Irmáns Villar. Recibiron o aplauso e un merecido regalo na Festa do último día.
Parabéns aos gañador@s e finalistas!!!
Como todos os anos nesta época, dende a Biblio de IRVI, queremos deixar as nosas recomendacións lectoras, para incluír nas cartas ao Apalpador, Papá Noel ou os Reis Magos. (Pinchando na imaxe poderes acceder a máis información de cada unha delas).
De novo, este ano desfrutamos moito cos "Obradoiros de Nadal" na Biblio de Irvi. Durante as últimas dúas semanas os alumnos e alumnas de primaria acudiron á biblioteca no recreo para elaborar adornos de Nadal para levar ás súas casas.
En novembro, os alumn@s de Infantil fixeron actividades para conmemorar que este mes se dedica á divulgación en galego da ciencia nas Bibliotecas escolares. Aquí amosamos o ben que o pasaron os máis peques, de 4º de Infantil.
A Biblio de IRVI, asistiu este fin de semana nas Xornadas de Bibliotecas Escolares en Santiago de Compostela.
Comezamos coas recomendacións lectoras do noso alumnado. Os nenos e nenas de 6ºB nos falan dos libros que máis lle gustaron dos últimos que leron.
Recomendacións lectoras outubro 6ºBUn ano máis, os alumnos e alumnas de Infantil e 1º, 2º, 3º e 4º de primaria desfrutaron durante estes días das sesións de "Contos de Medo por Samaín" na nosa Biblioteca, grazas ás contadas dos voluntarios e voluntarias da BiblioIRVI.
24 de Outubro. Celebramos o Día das Bibliotecas e por iso, as nosas Mochilas Viaxeiras, repartidas polos nos@s voluntari@s, comezaron esta semana a visitar as casas dos nosos alumnos e alumnas de todas as clases.
FELIZ VIAXE!!
Xa temos este curso aos nos@s voluntari@s list@s e che@s de ilusión para axudar a IRVI na nosa biblioteca.
BENVID@s!!!!!
Grazas ao traballo dos nosos voluntari@s na Biblio de IRVI, o curso pasado fomos premiados polas Bibliotecas Escolares de Galicia. Este premio consistía na participación e desfrute de dous obradoiros moi divertidos e didácticos nos que os VOLUNTARI@S participaron a pasada semana dirixidos por CHARO PITA e ROI GUITIÁN.
Agora, que chegaron as vacacións, os alumnos e alumnas de 5ºB queren compartir con nós algunhas das súas receitas favoritas para que practiquemos na casa. Pincha na imaxe e poderás acceder aos diferentes vídeos.
Este é o TELECOCIÑA DO IRMÁNS VILLAR
Recibimos a visita de EIRA e a súa nai UXÍA, para rematar por este curso a actividade "As familias contan". Esperámosvos o vindeiro curso.
MOITAS GRAZAS A TODAS AS FAMILIAS POR COMPARTIR CON NÓS OS SEUS LIBROS FAVORITOS!!
Esta semana foron os alumnos de 5º e 6º de Primaria os que puideron desfrutar da visita do escritor e mestre Xabier Domínguez, que veu comentar con eles e elas o seu libro "Maxia de Pedra", proposto dende a Biblioteca nas Recomendacións Literarias do Nadal, e que leron tamén no colexio, e tamén lles contou moitas cousas interesantes máis da súa faceta de escritor e editor.
Esta semana a "Profe" Sandra participou na actividade "As familias Contan". Xunto cos seus fill@s Hugo e Chloé, de 3º de Primaria e 5º de Infantil, fíxonos desfrutar coa narración dos contos "Voy a comedte" e "Pápote a bicos".
O alumnado de 3º e 4º desfrutaron este martes da visita da escritora ÉRICA ESMORÍS, coa que comentaron o seu libro Patio de Luces, que leron durante este curso e falaron de moitas outras anécdotas e historias relacionadas co seu traballo de escritora.
Tod@s xunt@s nos patios quixemos celebrar o Día do Libro da mellor maneira posible, lendo e contando contos.
Os alumnos e alumnas de 5ºB seguen recomendándonos os seus libros favoritos. Aquí vos deixamos as recomendacións deste mes de marzo.
Encántanos seguir aprendendo para mellorar a nosa Biblioteca. Por iso, un membro do noso equipo acudiu a Santiago ao Encontro de Bibliotecas Escolares de Galicia.
O alumnado de 5º e 6º voluntario na nosa Biblioteca, quixeron contribuír á celebración do Día da Narración Oral contándolle pequenas historias e contos aos seus compañeiros de Infantil e Primaria.
O día 21 de Marzo de cada ano celebramos o Día Internacional da Poesía. Os alumnos e alumnas de 6ºB de INFANTIL, quixeron recitarnos unha fermosa poesía para felicitarnos neste día.
E, dende a Biblioteca de IRVI, queremos invitarvos a participar no III CERTAME POÉTICO IRVI. Aquí vos deixamos as bases.
ANIMÁDEVOS A PARTICIPAR!!
Xa temos preparado o noso expositor coas obras literarios que os nosos alumnos e alumnas escribiron durante estes cursos. 👏👏👏👏👏👏👏👏
Durante toda esta semana os alumnos e alumnas de todas as clases de Infantil e Primaria acudiron á biblioteca para levar a cabo a actividade "A Biblio CONciencia", para conmemorar que no mes de febreiro celebramos o Día da Muller e a Nena na Ciencia. Desfrutamos e aprendemos moito levando a cabo diferentes experimentos.
Hoxe 23 de Febreiro, celebramos o Día da nosa escritora máis universal, ROSALÍA DE CASTRO, e os alumnos e alumnas do noso colexio quixeron homenaxeala recitando algúns dos seus marabillosos poemas.
Comezamos o mes de Febreiro, e neste mes, o día 11, é cando conmemoramos o "DÍA DA MULLER E A NENA NA CIENCIA". Por iso, vos deixamos este Genially, IRVICIENTÍFICAS, no que podedes coñecer a historia e o labor dalgunhas das científicas máis importantes de Galicia.
Os alumn@s de 5ºB ofrécennos unha nova serie de recomendacións dos seus libros favoritos.
Por fin temos en pleno funcionamento o IRVIDOIRO, a Biblioteca Creativa do noso colexio, dentro da nosa BIBLIOIRVI.
Durante este curso a nosa biblioteca pasou a formar parte do Programa "Bibliotecas Escolares Solidarias" da Consellería de Educación da Xunta de Galicia. Como parte deste programa, os nosos voluntarios e voluntarias tiveron que firmar un Acordo de colaboración coa nosa Biblioteca. Moitas grazas a todos e todas!!
